«ناس بتتحرق في جهنم الحمرا».. مصابان يرويان تفاصيل حادث المنيل

روى أحد مصابي حادث المنيل، وقائع ما حدث أول أمس الأحد، قائلًا: "كنت ماشي من على الكورنيش من ناحية معهد الأورام، فكان فيه عربيات كتيرة واقفة، فوقفت أنتظر".

وتابع خلال تصريحاته لفضائية "صدى البلد": "مفيش نصف دقيقة ولقيت صوت انفجار شديد جدًا، وأنا قاعد في العربية لقيت القزاز وقع عليا، والدنيا بقت حاجة تانية، والصدمة مع الموقف مكنتش عارف أعمل إيه، حاولت أفتح الباب مش راضي يتفتح، فزقيته جامد وطلعت جريت، لأني كنت شايف العربيات بتتقلب والناس بتتحرق والمنظر كان صعب يعني".

وكشف مصاب آخر عن تفاصيل الحادث، من داخل المستشفى، قائلًا: "بعد ما خلصت الشغل ومروح، وراكب الميكروباص، جينا عند معهد الأورام، فوجئنا بعربية ملاكي جاية عكس الاتجاه، اعترضت ميكروباص جنبنا". 

وعقب: "وبمجر ما العربية الملاكي وقفت قدام الميكروباص اللي جنبنا، حدث الانفجار، جهنم الحمرا لقيناها حصلت، بصيت لقيت دمي بيجري من دماغي، رحت مرمي تحت الكرسي، والقزاز طار خد وشي، ومش شايف أنا فين غير لما لقيتهم نقلوني المستشفى".

وشهد محيط معهد الأورام في ساعة متأخرة، من مساء أول أمس الأحد، انفجارًا ضخمًا، أدى إلى اشتعال النيران بالمنطقة المحيطة؛ ما أسفر عن مصرع 20 شخصًا وإصابة 47 آخرين، وفقًا لآخر بيان لوزارة الصحة.

وأعلنت وزارة الداخلية، في بيان لها، أمس الاثنين، عن نتائج الفحص المبدئي للحادث، والذي أثبت أن الانفجار وقع نتيجة تصادم إحدى السيارات الملاكي بثلاث سيارات أخرى، وبالفحص الفني المبدئي للسيارة تبين أنه كان بداخلها كمية من المتفجرات، وهي إحدى السيارات المبلغ بسرقتها من محافظة المنوفية منذ عدة أشهر.