تصريحات مثيرة لـ أحمد العوضي عن ياسمين عبد العزيز

أحمد العوضي وياسمين عبد العزيز، قال الفنان أحمد العوضي:"الست مهمة جدا في حياة الراجل، الرجل ميعرفش يعيش من غير ست، ويمكن لو كانت أمي عايشة كانت عوضتني عن غياب الست في حياتي".

وأضاف خلال لقائه ببرنامج "ع المسرح" الذي تقدمه الإعلامية إيمان أبو طالب بقناة "الحياة":"مفيش راجل ممكن يقدر يعيش لوحده وربنا لما خلق سيدنا اَدم خلق معاه حواء، وبالتالي اللي يفتكر ان الست مش مهمة في حياة الراجل ده دماغه تعبانة".

ولفت أحمد العوضي:"أصدق حب كان لياسمين عبد العزيز، هي الحب الحقيقي والوحيد في حياتي، أنا عشت معاها أيام بفترات بمواقف بمراحل وهافضل أقول إنها الحب الحقيقي علطول، ومش هاعيش اللي عيشته مع ياسمين".

وأكد أحمد العوضي:"خسارة الأم أكبر خسارة في الدنيا ممكن تحصل لحد حتى لو الدنيا كلها كانت جنبك، أنا مفتقد لوجود أمي الله يرحمه حتى معنديش أخت".