الجمعة 29 مارس 2024 07:50 صـ 19 رمضان 1445هـ
فن × فن

”عمري ما حسيت أنك مش أبويا” .. هنا الزاهد تنعي طلعت زكريا

هنا الزاهد و طلعت زكريا
هنا الزاهد و طلعت زكريا

نشرت الفنانة هنا الزاهد، عبر حسابها الشخصي بموقع "إنستجرام" صورة جمعته بالفنان الراحل طلعت زكريا.

وكتبت هنا: "دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين. انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر. انا عايزة اقولك اني معرفتش كلمة بابا غير و انا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فاكرة اول بيض اومليت و قولتلي اعملي مطعم "بالهنا و الشفاه" و اديتني ١٠٠ جنيه عشان تشجعني اطبخ".

وتابعت: "كنت دايما تقولي انت هتبقى حاجة كبيرة و كنت بتشجعني. كنت فخور بيا لما اتخرجت و عيط اليوم ده. انا عمري ماحسيت انك مش ابويا اللي مخلفني. انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء

ورحل الفنان طلعت زكريا، مساء أمس بعد صراع مع المرض عن عمر ناهز 59 عاما.

الفن الثالث الدكتور