فيديو.. مصطفى بكري ينتقد وزيرة الاستثمار: مش قادرة تقرأ.. بتعملي إيه وبتتكلمي إزاي؟

وجه الإعلامي مصطفى بكري انتقادًا حادًا إلى الدكتورة سحر نصر، وزيرة الاستثمار، قائلًا إن الرئيس عبد الفتاح السيسي قد أعرب عن أسفه لفشل الحكومة في جذب الاستثمارات.

وأضاف خلال تقديمه برنامج "حقائق وأسرار"، المذاع عبر فضائية "صدى البلد"، مساء اليوم الخميس: "الرئيس مقالش الحكومة دي رائعة، قال أنا أتأسف لفشل الحكومة في جذب الاستثمارات، ولما رئيس الدولة يقول هذه الكلمة يبقى فيه تقصير في هذا المجال، لأني وفرت بنية تحتية وبنية تشريعية، قاعدين بتعملوا إيه".

وتابع: "الدكتورة سحر نصر بتعمل إيه؟ مش فاضية لنا ولا إيه؟ بتعملي إيه وبتتكلمي إزاي؟ ولا قاعدة في تصفية الخناقات اللي تحت، مشي محسن عادل بتاعة هيئة الاستثمارات من أفضل الناس، ومش فلانة، هو ده الموضوع اللي تم مفيش أكتر من كده، نحن أمام قائد معندوش حسابات، حساباته الوحيدة الدولة المصرية".

وأردف "بكري"، تعليقًا على خطاب الدكتورة سحر نصر في مؤتمر إفريقيا 2010: "السيدة وزيرة الاستثمار مش قادرة تقرأ، لا سيما تقول سيما، مينفعش الكلام ده يا جماعة، إحنا قدام حكومة وطنية، المفروض كل عناصر تكون قوية".