مها أحمد: بقالي 30 سنة متجوزة.. مسبتش البيت مرة

عبرت الفنانة مها أحمد عن حبها الشديد لزوجها الفنان مجدي كامل قائلة: ممكن أكون حسدت نفسي عشان متجوزة دكتور وبقالنا 30 سنة متجوزين.. مسبتش البيت مرة.

مها أحمد تتغزل في زوجها

وقالت مها أحمد خلال استضافتها ببرنامج أسرار مع الإعلامية أميرة بدر المذاع على قناة النهار: أنا مبعرفش اتخانق، وساعات أكون متعصبة جدا عليه لأني عصبية شوية ولما يخرج من الأوضة أقوله مجدي اعملي معاك شاي والموضوع يخلص، وهو استغرب كده في أول الجواز.

مها أحمد: مجدي يحبني عشان حلوة وأمورة

وواصلت تعبيرها عن حبها لزوجها الفنان مجدي كامل قائلة: مجدي يحبني عشان حلوة وأمورة ومتجددة طول الوقت والكلام ده المفروض تعمله كل الستات، ويحبني كمان عشان شبه مامته، وست مكافحة وحياتنا كلها متخرجش بره ولو هعيش معاه بـ 1000 جنيه أو 10 جنيهات هعيش موافقة، وجبت أجهزة بيتي كلها بالقسط ساعة الجواز.

واستكملت: الست متسامحش في الخيانة وأنا عمري ما اتخانت وأنا ست كاملة متكاملة وقمر وبحب ادلع واتدلع.