الجمعة 29 مارس 2024 09:44 صـ 19 رمضان 1445هـ
ايام زمان

نط الحبل والسبع طوبات والاستغماية .. لعب الزمن الجميل

البصمة

السبع طوبات والاستغماية ونط الحبل والبلى والكورة الشراب ، دية كانت لعب الأطفال زمان وكان أجمل مايميزها لمة الصحاب واللعب اللى بجد مش كل طفل فى غرفتة منفصل عن العالم وبيلعب على التليفون او الايبادز

زمان كنا بنلعب ونجرى ونضحك بجد مش لعب وجرى الشخصيات اللى بنستخدمها فى الألعاب الاليكترونية دلوقتى وضحك " الايموشن" .

نط الحبل:

كانت لعبة نط الحبل من أشهر ألعاب البنات زمان وأفضلها ، وكان أحلى مافيها اللمة والمنافسة مين اللى هتقدر تسجل أكبر رقم دون الوقوع .

سباق العجل زمان:

زمان كان سباق العجل بين الولاد بعجلات الدراجات أو السيارات القديمة ، وكان كل طفل يميز العجلة بتاعته بلون معين أو علامة مميزة ليشارك بها فى السباق مع زملاءه .

الاستغماية:

الاستغماية كانت من الألعاب المفضلة عند الاطفال زمان ولاد وبنات .

والشاطر اللى يقدر يستخبى فى مكان محدش يقدر يعرفة ويفوز باللعبة .

السبع طوبات:

السبع طوبات لكانت لعبة الأطفال المميزين والمتمكنين فى النشان ، كانت من الألعب الجميلة اللى بتلم الأطفال وتخلق بينهم روح المنافسة والمرح .

البلى :

لعبة البلى كانت تخصص الولاد ونادرا لما كانت بنت تشارك فيها ، معرفش ليه .

بس كانت من الألعاب الجميلة زمان واللى كانت بيجتمع عليها كل الولاد بتحويشة العمر طبعا من البلى واللى كان بمثابة رأس مال كل طفل .

وطبعا كل الأطفال كانت بتتسابق فى تكوين أكبر عدد ممكن من البلى للتباهى أمام بعضهم بصاحب أكبر رصيد أو رأس مال من البلى .

الكورة الشراب:

الكورة الشراب كانت بيتعمل بيها بطولات ودورى و الدورة الرمضانية كمان .

مكنش فى حاجة إسمها مستحيل أمام الأطفال ، يعنى إية مفيش كورة ومش هنلعب ، جمع يابنى انت وهو الشربات القديمة وتتعمل أحلى كورة وتشهد على أحلى لعب وأيام وذكريات .

لعب الاطفال زمان ايام زمان الكورة الشراب السبع طوبات الاستغماية لعب البلى زمان