رقبتي ليك يا صاحبي.. رسالة خاصة من أحمد السقا لـ كريم عبد العزيز

وجه الفنان أحمد السقا رسالة إلى الفنان كريم عبد العزيز، تحدث فيها عن علاقته به، مشيرًا إلى أنهما تربطهما علاقة وطيدة منذ الصغر، متمنيًا له الخير والسعادة في حياته، وأن يظل بجانبه دائمًا.

وكتب أحمد السقا منشورًا عبر حسابه الشخصي بموقع تويتر جاء فيه: قاعد وصاحي بدرى ولقيت نفسي عايز أقول كلمة في حق أجمل وأجدع صاحب قابلته في حياتي.

وتابع أحمد السقا: من وإحنا عيال صغيرين أنا كنت عايش في شارع شهاب، وهو عايش في العجوزة والقدر ربطنا ببعض، ومن يومها وإحنا أكتر من الأخوات، وربنا يخلينا لبعض لأنه بجد راجل وجدع ومتربى وابن ناس.

واستكمل أحمد السقا: طول عمرنا مبنقولش لبعض غير إزيك يا صاحبي، عامل إيه يا صاحبي، أو مبروك يا صاحبي، وحقك عليا أنى أقولك ربنا يخليك ليا يا صاحبي، صاحبي وأخويا اللى بجد كريم عبد العزيز، رقبتي ليك يا صاحبي، كلمة حق في حقك يا صاحبي، ملحوظة عشان الناس اللي بتصطاد في الميه العكرة، دي الصورة اللي كريم كسب بيها جوي أورد وفى كل الحالات صاحبي قمر.

على جانب آخر، رد أحمد السقا، على انتقاد النافد الفني طارق الشناوي له، بعد حديثه عن أدائه في مسلسل العتاولة الذي قدمه في الموسم الرمضاني 2024، حيث قال السقا في لقائه مع الإعلامي عمرو أديب ببرنامج الحكاية: النقد مش للممثل بس، أنا راجل خريج أكاديمية المعهد العالي للفنون المسرحية وتتلمذت على إيد أكبر أساتذة تمثيل وإخراج ونقد في مصر وأول دفعتي أربع سنين وقعدت فترة معيد في المعهد.. والنقد بالتحليل وطرح السلبيات للتخلص منها وطرح الإيجابيات لتطويرها.

وشارك في بطولة مسلسل العتاولة مجموعة من الفنانين منهم: أحمد السقا، طارق لطفي، باسم سمرة، مي كساب، حنان يوسف، زينة، والعمل من تأليف هشام هلال، وإخراج أحمد خالد موسى.